FAQ — Pergunta Komún sira
Resposta ba pergunta sira ne’ebé ema baibain husu kona-ba MDP.
MDP mak banku ka lae?
Lae. MDP mak sosiedade finanseira ne’ebé la simu depózitu, ho lisensa hosi Banku Sentrál Timor-Leste. Ami-nia atividade foka ba fó kreditu no solusaun finansiamentu, maibé ami la simu depózitu husi públiku.
MDP iha ona atividade kompletu?
MDP detentora lisensa preliminár hosi BCTL no iha faze implementasaun ba nia estrutura operasionál. Atividade kompletu sei hahú depois verifikasaun kondisaun regulatóriu aplikável sira.
Solusaun finansiamentu saida mak Ita oferese?
Leasing kareta no ekipamentu, kreditu konsumu, antesipasaun fatura, kreditu emprezariál prazu badak no kreditu ba habitasaun iha parseria ho G&S.
Sé mak bele husu kreditu ba MDP?
Individu no empreza sira iha Timor-Leste ne’ebé kumpre kritériu ne’ebé ami-nia polítika kreditu internu defini. Kandidatura hotu-hotu sujeitu ba analize risku no aprovasaun MDP nian.
Oinsá mak analize kreditu halo?
Analize konsidera kapasidade kliente atu selu fila fali, istória finanseira, objetu finansiamentu nian no fatór seluk ne’ebé ami-nia polítika kreditu defini. Ami husu dokumentasaun nesesáriu no halo avaliasaun prudente no responsavel.
MDP fahe ha’u-nia dadus ho terseiru?
Dadus kliente sira-nian trata ho konfidensialidade. Fahe akontese de’it iha situasaun ne’ebé lei prevee ona (entidade supervizaun, autoridade kompetente, sst.) ka bainhira kliente autoriza espesífiku.
Oinsá mak ha’u hatama reklamasaun?
Liu husi kanál ofisiál — prezensialmente, liu husi korreiu, e-mail (reclamacoes@mdp.tl) ka liu husi formuláriu website nian. Reklamasaun hotu-hotu analiza no hetan resposta iha prazu legál.
MDP ho G&S empreza ida de’it ka?
Lae. Sira empreza ne’ebé la hanesan, juridikamente autónomu, maibé rua-rua membru husi Grupu ETO. G&S mak parseiru MDP iha segmentu kreditu ba habitasaun, maibé empreza ida-idak opera tuir nia estrutura no responsabilidade rasik.